Test b'korsiv

Biex il-ħalib jinbidel f'forma solida, għandu jiġi kkonċentrat (imnixxef). Dan il-proċess iseħħ wara aċidifikazzjoni xierqa permezz ta' żieda ta' kulturi aċidiċi u renett jew sostituti tar-renett, kif ukoll billi l-ħalib jitwassal għat-temperatura tar-renettar (madwar 30 sa 34 °C). Il-proteina fil-ħalib tikkonsisti f'80 fil-mija kaseina u 20 fil-mija proteini tas-serum (albumini u globulini). Matul il-koagulazzjoni, il-kaseina tinqasam u jinħoloq retikolat tridimensjonali permezz ta' pontijiet tal-kalċju. Il-kuntrazzjoni ta' din in-netwerk twassal għas-separazzjoni mixtieqa tal-ħalib tas-serum (proteini tas-serum). Skont it-tip ta' ġobon, il-proċess jieħu bejn 10 minuti u sagħtejn. Il-koagulazzjoni sseħħ taħt l-azzjoni ta' batterji aċidiċi laktiċi u enzimi u, b'xi eċċezzjonijiet (ġobonijiet tal-ħalib aċiduż u ċerti tipi ta' ġobon frisk), permezz taż-żieda tar-rennet jew sostituti tar-rennet.